អ្នកនិពន្ធបទ កណ្តៀវអូនស្រួយ និងបទស្រណោះអង្រែត្រូវបានក្រសួងហៅទៅដុះក្អែលហើយ

ក្រោយពីបទចម្រៀងដ៏អសីលធម៌ ដែលមានចំណងជើងថា កណ្តៀវអូនស្រួយ និង បទ ស្រណោះអង្រែ និពន្ធដោយ លោក អ៊ិច ចន្ថា កន្លងមក នៅព្រឹកថ្ងៃទី១០ ខែមិថុនា ឆ្នាំ២០២០នេះ ក្រសួងវប្បធម៌ និងវិចិត្រសិល្បៈ ដោយមានឯកឧត្តម ចម្រើន វ៉ាន់ថា ទីប្រឹក្សាក្រសួងវប្បធម៌ តំណាងក្រសួងបានហៅអ្នកនិពន្ធរូបនេះ មកធ្វើការអប់រំណែនាំ និងស្នើឲ្យបញ្ឈប់ការតែងនិពន្ធបទចម្រៀងដែលមានអត្តន័យប៉ះពាល់ដល់សីលធម៌សង្គម។

សង្ឃឹមថា និងមិនមានចម្រៀង រឺ អ្វីផ្សេងៗដែលមានរូបភាពបែបនេះមកទៀតទេ​ មេត្តាអស់លោកអ្នកនិពន្ធគួរពិចារណា ហើយគិតអោយវែងឆ្ងាយផង កុំដើម្បីតែប្រយោជន៍ខ្លួន បំផ្លាញសីលធម៌សង្គម បណ្តុះភ្លើងស្រើបស្រាលបណ្តាលអោយអ្នកស្តាប់ឆាប់កើតតណ្ហានោះ៕